ఈ పుట అచ్చుదిద్దబడ్డది
రేకు: 0388-01 రామక్రియ సం: 04-510 నృసింహ
పల్లవి:
నరులాల మునులాల నానా దేవతలాల
పరబ్రహ్మ మీతఁడే ప్రత్యక్షమై వున్నాఁడు
చ. 1:
భావించి చూడరో వీఁడె ప్రహ్లాద వరదుఁడు
సేవించరో తొడమీఁది శ్రీ సతిని
వావిరి నుతించరో వరశంఖచక్రాలవె
కోవిదుఁడు గద్దెమీఁదఁ గొలువై వున్నాఁడు
చ. 2:
చెలఁగి మొక్కరో వీఁడె శ్రీ నరసింహ దేవుఁడు
తెలియరో యీతని తేజోరూపము
అలరి పూజించరో అనంతహస్తము లవె
కొలఁది మీరి విష్ణుఁడు కొలువై వున్నాఁడు
చ. 3:
యిదె శరణనరో హిరణ్యదైత్యహరుని
అదన జపించరో యీ హరినామము
యెదుట శ్రీ వేంకటాద్రిని యహోబలమునందు
కొదలే కాదిమూరితి కొలువై వున్నాఁడు
