ఈ పుట అచ్చుదిద్దబడ్డది
రేకు: 0386-02 నాట సం: 04-499 హనుమ
పల్లవి:
సరిలే రితనికి సాహస విక్రముఁ డీతఁ -
డరయ కలశాపుర హనుమంతుఁడు
చ. 1:
వుదధి లఘించినాఁడు వుబ్బున మైనాకముచే
పొదలి నట్ట నడుమఁ బూజ గొన్నాఁడు
సదరాననే లంక సాధించి వచ్చినాఁడు
అదివో కలశాపుర హనుమంతుఁడు
చ. 2:
సంజీవి దెచ్చినాఁడు సమరరంగమందు
భంజించి వానరుల బదికించినాఁడు
అంజనీదేవికిఁ గొడుకైనాఁడు యేపనుల-
నంజఁడు కలశాపుర హనుమంతుఁడు
చ. 3:
బలు రాకాసులనెల్లా పట్టి చదిపినవాఁడు
ఇల రామునికిఁ గడు హితుఁడైనాఁడు
చెలఁగి శ్రీ వేంకటేశు సేవ సేయుచున్నవాఁడు
అలరి కలశాపుర హనుమంతుఁడు
