ఈ పుట అచ్చుదిద్దబడ్డది
రేకు: 0378-01 ముఖారి సం: 04-453 దేవుడు-జీవుడు
పల్లవి:
పట్టినవ్రతము నీవే పరిపాలింతువుగాక
బట్టిబయలింతే నేను బలిమున్నదా
చ. 1:
దేవ నీవు మనసు సోదించఁగా నే ధీరుఁడనై
ఆవలఁ జలించకుండే యంతవాఁడనా
పూవు వంటి చిత్త మింతే పొల్లువంటికాయ మింతే
భావించ నిందులఁ బస వున్నదా
చ. 2:
అంతరాత్మవై నీవు యటు మరఁగులుసేయ-
నంతనె నినుఁ దెలిసే యంతవాఁడనా
గంతివంటిగుణ మింతే గాలివంటిప్రాణ మింతే
యింతరట్టుసేయ నిందు నెడమున్నదా
చ. 3:
మచ్చిక శ్రీ వేంకటేశ మాట నీవై యుండఁగాను
అచ్చపు నిన్ను నుతించే యంతవాఁడనా
గచ్చువంటియిహ మింతే గనివంటి పర మింతే
ముచ్చట కిందుకుఁ దుద మొద లున్నదా
