ఈ పుట అచ్చుదిద్దబడ్డది
రేకు: 0376-03 సామంతం సం: 04-444 హనుమ
పల్లవి:
మంగాంబుధి హనుమంతుని శరణ
మంగవించితిమి హనుమంతా
చ. 1:
బాలార్కబింబము ఫల మని పట్టిన
ఆలరి చేఁతల హనుమంతా
తూలని బ్రహ్మాదులచే వరములు
వోలిఁజేకొనిన వో హనుమంతా
చ. 2:
జలధిదాఁట నీ సత్వము కపులకు
నలరి దెలిపతివి హనుమంతా
యిలయు నాకసము నేకముగా నటు
బలిమిఁ బెరిగితివి భళీ హనుమంతా
చ. 3:
పాతాళము లోపలి మైరావణు -
నాతలఁ జంపిన హనుమంతా
చేతులు మోడ్చుక శ్రీవేంకటపతి-
నీతలఁ గొలిచే హిత హనుమంతా
