ఈ పుట అచ్చుదిద్దబడ్డది
రేకు: 0370-03 లలిత సం: ౦4-412 మనసా
పల్లవి:
మఱచితిమంటే మరిలేదు
తఱితోఁ దలఁచవో దైవపు మనసా
చ. 1:
పుట్టుచు నున్నది పోవుచు నున్నది
పట్టపు జీవుల ప్రపంచము
నట్టనడుమనే నరహరినామము
గుట్టున దలఁచవో గొనకొని మనసా
చ. 2:
పొద్దు వొడుచునదె పొద్దు గుంకునదె
తిద్దిన జగముల దినదినము
అద్దపు నీడల యంతర్యామిని
వొద్దనె తలఁచెనొనరవొ మనసా
చ. 3:
లోపల వెలుపల లోఁగొనివున్నది
శ్రీపతి మహిమల సృష్టియిదే
యేపున శ్రీ వేంకటేశ్వరుఁ డితఁడే
దాపని నమ్ముచుఁ దలఁచవో మనసా