ఈ పుట అచ్చుదిద్దబడ్డది
రేకు: 0369-02 భూపాళం సం: 04-405 నామ సంకీర్తన
పల్లవి:
ఇవియే పో ప్రద్యుమ్న యిహ పర సాధనము
భవ జలధుల తేప పరమయోగులకు
చ. 1:
వామన గోవింద విష్ణు వాసుదేవ హరి కృష్ణ
దామోదరాచ్యుత మాధవ శ్రీధరా
నీమహిమ గానలేము నిన్నెంచఁగలేము నీ -
నామజపమే చాలు నాలుక సులభము
చ. 2:
అనిరుద్ధ పురుషోత్తమాధోక్షజ ఉపేంద్ర
జనార్ధన కేశవ సంకర్షణా
నినుఁ దలఁచఁగ లేము నిన్నుఁ దెలియఁగ లేము
నునుపై నీనామమే నోటికి సులభము
చ. 3:
నారాయణ పద్మనాభ హృషీకేశ
నారసింహ మధుసూదన త్రివిక్రమ
నీరూపు భావించలేము నిక్కపు శ్రీ వేంకటేశ
ఆరయ నీనామజప మన్నిటా సులభము
