ఈ పుట అచ్చుదిద్దబడ్డది
రేకు: 0369-01 గుండక్రియ సం: 04-404 మాయ
పల్లవి:
ఎఱఁగఁడు పరసుఖ మీశ్వర నీమాయ
నెఱి విచారముల నెగడిన దాఁక
చ. 1:
అతిహేయములో నడరు వరాహము
అతిహేయము సుఖమని తలఁచు
మతి సంసారంబే మరగిన యాతుమ
పతిలేని దిదే పరమని తెలియు
చ. 2:
పొరి విషయములోనఁ బొడమిన కీటము
అరిది విషమ తీపని తినును
పరగ యోని సంభవమగు దేహాతుమ
పెరిగి యందుకే ప్రియపడును
చ. 3:
యింతేసి నిన్నియు నెరఁగిన యీయాతుమ
అంతరాత్మ నీవని తలఁచి
యింతట శ్రీ వేంకటేశ్వర నిన్నే
రంతుల శరణనె రక్షించవే