ఈ పుట అచ్చుదిద్దబడ్డది
రేకు: 0365-04 మలహరి సం: 04-384 నామ సంకీర్తన
పల్లవి:
ఇదియే సాధనమిహపరములకును
పదిలము మాపాలి పరమవునామం
చ. 1:
కలి దోష హరము కైవల్యకరము
అలరిన మా శ్రీ హరి నామం
సులభము సౌఖ్యము శోభన తిలకము
పలుమారును శ్రీ పతి నామం
చ. 2:
పాప నాశనము బంధ విమోక్షము
పైపై నిది భూపతి నామం
స్థాపితధన మిది సర్వరక్షకము
దాఁపి రమిది మాధవ నామం
చ. 3:
నేమము దీమము నిత్యకర్మమిది
దోమటి గోవిందుని నామం
హేమము శరణము యిన్నిట మాకును
యే మేర శ్రీ వేంకటేశ్వరు నామం
