ఈ పుట అచ్చుదిద్దబడ్డది
రేకు: 0365-03 శంకరాభరణం సం: 04-383 వైరాగ్య చింత
పల్లవి:
ఎప్పు డేబుద్ది వుట్టునో యెరఁగరాదు
దెప్పరపు మా బ్రదుకు దేవునికే సెలవు
చ. 1:
యేడనుండి పుట్టితిమో యింతక తొల్లి యింక -
నేడకు బోయెదమో యిటమీఁదను
వీడని మాయంతరాత్మ విష్ణుఁడు మా -
జాడ జన్మమతనికే సమర్పణము
చ. 2:
గతచన్న పితరు లక్కడ నెవ్వరో
హితవై యిప్పటి పుత్రు లిదియెవ్వరో
మతి మాజీవనమెల్ల మాధవుఁడు
అతనికే మాభోగాలన్నియు సమర్పణము
చ. 3:
తొడికి స్వర్గాదులు తొల్లియాడవో యీ -
నడచే ప్రపంచము నాకేడదో
కడఁగి శ్రీ వేంకటేశు గతియే మాది
అడఁగు మా పుణ్యపాపా లతని కర్పణము