ఈ పుట అచ్చుదిద్దబడ్డది
రేకు: 0362-05 ఆహిరి సం: 04-367 నామ సంకీర్తన
పల్లవి:
నే నవగుణి నైన నీకుఁ బోదు భువి
లోన భక్తవత్సలుఁడ వటు గాన
చ. 1:
పరమ పురుషా భవరోగ వైద్య
ధరణీధర మాధవ కేశవా
అరిది సంసారాన నలసితి నినుఁగను -
తెరు వేదొ వెర వేదొ తెలియ నే నిపుడు
చ. 2:
భువనాతీతా పుండరీకేక్షణ
నవనీతప్రియ నారసింహా
యివల నాయపరాధ మెంతైనఁ గలదు నా
వివరము చింతించి వెసఁ గావరాదా
చ. 3:
అగుణాసగుణా యాద్యంతరహితా
అగణిత శ్రీ వేంకటాద్రినాథ
నిగమగోచర నేను నీయాధీనమ నింతే
నగుఁబాటు గాకుండ ననుఁగావుమిపుడు