ఈ పుట అచ్చుదిద్దబడ్డది
రేకు: 0362-04 వరాళి సం: 04-366 భగవద్గీత కీర్తనలు
పల్లవి:
సమమతినని నీవే చాటుదువు
రమణ నేరుపు నేరము లెవ్వరిని
చ. 1:
రావణాదులైన రాక్షసమితిలో
నీవే, దేవతలలో నీవేకావా
భావింప నసురలు పగ నీకు నేలైరి
యీవల సురులెల్ల హితులైరి
చ. 2:
సకల జంతువులకుఁ జైతన్యుఁడవు నీవే
వొకరు నీకుపరాక మొనరించేరా
అకట కొందరిఁ బాపాత్ములఁగాఁ జేసి
వెకలిఁ గొందరిఁ బుణ్యవిధులఁ జేసితివి
చ. 3:
అటుగాన ఇట్టాయ నట్టాయనననేల
యిటు నీచిత్తముకొలఁ దింతేకాక
గటియించి శ్రీవేంకటపతి నీదాసు
లిటువలె ఘనులై రిదివో నీకృపను
