ఈ పుట అచ్చుదిద్దబడ్డది
రేకు: 0362-02 సామంతం సం: 04-364 దశావతారములు
పల్లవి:
అల్లదెకో విజయధ్వజము జగ -
మెల్లఁ జేకొనియె నీతఁడు
చ. 1:
తొక్కనిచోట్లు దొక్కెటి తురగపు
రెక్కలమీఁదటి రేవంతుఁడు
చక్కుగ నసురల సంహరించి యిదె
దిక్కులు గెలిచెను దేవదేవుడు
చ. 2:
వోడక శంఖము నొగి చక్రముతో
సూడుకుఁ దిరిగేటి శూరుఁడు
యీడనుండి సురలిందరిఁ గాచెను
మేడెపు మన లక్ష్మీ విభుఁడు
చ. 3:
శరణన వారలఁ జయ్యన గాచిన
శరణాగత రక్షణ ఘనుఁడు
తిరమై యింతకు దిక్కె నిలిచెను
గరిమెల శ్రీ వేంకట విభుఁడు
