ఈ పుట అచ్చుదిద్దబడ్డది
రేకు: 0356-06 గుండక్రియ సం: 04-332 వైరాగ్య చింత
పల్లవి:
తలపోఁత చిత్తమునఁ దరిగానక బుద్ది
గలఁగెఁ గావనో మమ్ముఁ గర్మమా
చ. 1:
పాపజాతిమేనితోడఁ బడ్డపాటే చాలదా
ఆపదలకేల లోనాయ నిప్పుడు
దీపమైనహరిభక్తి దెలిసియింతటనైనఁ
గాపాడి పరమీవో కర్మమా
చ. 2:
చెప్పరానిసుఖములు చెప్పి చెప్పి కని కని
చప్పుడుగా లోకమునఁ జాటి చాటి
దెప్పరపుభవములఁ దిప్పుదీరైతి మిదె
కప్పుకొని కావఁగదో కర్మమా
చ. 3:
వేడుకలిన్నియు శ్రీవేంకటాద్రిరాయఁడే
కూడిన మాదైవమని కొనియాడి
యేడఁజూచిననుఁ బుణ్య మెక్కుడాయనని నమ్మి
గాడలెల్లాఁ బాసితిమి కర్మమా
