ఈ పుట అచ్చుదిద్దబడ్డది
రేకు: 0356-03 వరాళి సం: 04-329 శరణాగతి
పల్లవి:
ఏదియుఁగానఁడు నేది గాదందు
ఆదిపురుష నీదాస్యమే చాలనాకు
చ. 1:
గరిమఁ గొందరికి సాకారమై నిలిచితి
గురునిరాకారమై కొందరికి
సరుసఁ గొందరికెల్లా సగుణుఁడవట నీవు
ధర నిర్గుణమవట తగిలి కొందరికి
చ. 2:
వొకటఁ గళాపూర్తి నొనరియుందువట
వొకట నిష్కళుఁడవై వుడివోవట
వొకచో జీవుల నీకొరయ భేదమట
వొకచో నె భేదమట వున్నారట నీకు
చ. 3:
అదన నిందరిలోన నంతరాత్ముఁడవట
యెదుట శ్రీవేంకటేశుఁడవట
యిదియిది యననేల యింతయును నీ మహిమ
కదిసి వీ పాదాలే కనుఁగొంటగాక