ఈ పుట అచ్చుదిద్దబడ్డది
రేకు: 0353-03 సామంతం సం: 04-311 వేంకటగానం
పల్లవి:
దైవమొక్కఁడే సంతత భజనీయుఁడు
భావము సమబుద్దిఁ బాయఁగఁదగదు
చ. 1:
హరియే నకలాంతరాత్మకుఁ డటుగాన
తిరమై యొకరి నిందింపఁదగదు
అరయఁగ లోకములనిత్య మటుగాన
మరిగి కొందరిమీఁది మమతయు వలదు
చ. 2:
బహుకల్పితములెల్లఁ బ్రకృతిమూలమే కాన
గహనపుఁదన వుద్యోగము వలదు
సహజవిహారుఁడు సర్వేశ్వరుఁడుగాన
వహిఁ దానేవచ్చినవి వలదనఁదగదు
చ. 3:
తపములు జపములు దాస్యమూలమె కాన
వుపమల సందేహమొగి వలదు
యెపుడును శ్రీవేంకటేశ్వరు సేవించి
చపలచిత్తమువారి సంగమిఁక వలదు
