ఈ పుట అచ్చుదిద్దబడ్డది
రేకు: 0352-05 వరాళి సం: 04-307 మాయ
పల్లవి:
జీవుఁ డించుకంత చేఁత సముద్రమంత
చేవెక్కి పలుమారుఁ జిగిరించీ మాయ
చ. 1:
కోపములైతేను కోటానఁగోట్లు
దీపనములైతేను దినకొత్తలు
చాపలబుద్దులు సమయని రాసులు
రాపాడీఁ గడవఁగరాదు వోమాయ
చ. 2:
కోరికలైతేను కొండలపొడవులు
తీరనిమోహాలు తెందేపలు
వూరేటిచెలమలు వుడివోనిపంటలు
యీరీతినే యెలయించీని మాయ
చ. 3:
మునుకొన్నమదములు మోపులకొలఁదులు
పెనఁగినలోభాలు పెనువాములు
నినుపై శ్రీవేంకటేశ నీదాసులనంటదు
యెనసి పరులనైతే యీఁదించీ మాయ