ఈ పుట అచ్చుదిద్దబడ్డది
రేకు: 0351-06 కేదారగౌళ సం: 04-302 శరణాగతి
పల్లవి:
నిలచినవాఁడవు నీవేకాక దైవమా
నెలవై ప్రకృతి నేను నీలోనిసొమ్ములము
చ. 1:
తఱి నిరువదేను తత్వములుండఁగాను
యెఱఁగని యజ్ఞానానకెవ్వరు గురి
నెఱిఁ జైతన్యమెల్లా నీసొమ్మై వుండఁగాను
యెఱుకవొక్కటేకాక యెవ్వరున్నా రీడను
చ. 2:
దినలెక్క లూరుపులు తెచ్చి తెచ్చి వొప్పించఁగ
యెనలేని జన్మములకెవ్వరు గురి
వునికై బ్రహ్మాండము వొళ్ళునీకై వుండఁగాను
యేనసే ఆనందమేకా కెవ్వరున్నా రీడను
చ. 3:
అచ్చపు సుముద్రవంటాత్మ లణువైయుండగా
యిచ్చఁ గామక్రోథాల కెవ్వరు గురి
నిచ్చలు శ్రీవేంకటేశ నీవేలికవై యుండఁగా
హేచ్చేటిదాస్యమేకాక యెవ్వరున్నా రీడను
