పుట:తాళ్ళపాక పదసాహిత్యం - నాలుగవ భాగం.pdf/297

రేకు: 0350-06 బౌళి సం: 04-296 వైరాగ్య చింత

పల్లవి :⁠

జీవుఁడూ నొక్కటే చిత్తమూ నొక్కటే వేవేలు మాయలచే వెలయుఁ గొన్నాళ్లు

⁠

చ. 1:⁠

వొక్కటే దేహము వూరకే బాల్యావస్థ యెక్కడౌతా నెరఁగడు యిటు గొన్నాళ్లు చక్కఁగ నంతటిలోనె జవ్వనసాయమునాఁడు మిక్కిలి పోకలఁ బోయి మెరయుఁ గొన్నాళ్లు

⁠

చ. 1:⁠

ఆఁకలీ నొక్కటె యటు జనించిననాఁడు వోఁకరెన్నఁడో దాఁగి వుండుఁ గొన్నాళ్లు కాఁకల నంతటిలోనె కమ్మరఁ బుట్టినప్పుడే వేఁకమై పలురుచులు వెదకుఁ గొన్నాళ్లు

⁠

చ. 1:⁠

దేవుఁడూ నొక్కఁడే తెలియుదాఁకాఁ బెక్కు- దేవతలై భ్రమయించు దేహము గొన్నాళ్లు చేవమీర నంతలోనె శ్రీవేంకటేశుఁడై సేవ గొని సుజ్ఞానిఁ జేసుఁ గొన్నాళ్లు

⁠