పుట:తాళ్ళపాక పదసాహిత్యం - నాలుగవ భాగం.pdf/273

రేకు:0346-05 మాళవి సం: 04-272 హనుమ

పల్లవి :⁠

అంజినీదేవికొడుకు హనుమంతుఁడు సంజీవినిదెచ్చినాఁడు సారె హనుమంతుఁడు

⁠

చ. 1:⁠

కలశాపురముకాడ కదలీవనాల నీఁడ అలవాఁడె వున్నవాఁడు హనుమంతుఁడు అలరుఁ గొండలకోన అందలిగుహలలోన కొలువు సేయించుకొనీఁ గోరి హనుమంతుఁడు

⁠

చ. 2:⁠

పసలుగా జంగవెట్టి పండ్లగుత్తి చేతఁబట్టి అసురలనెల్లఁ గొట్టీ హనుమంతుఁడు వసుధ బ్రతాపించి వడిఁ దోఁక గదలించి దెసలెల్లాఁ బాలించీ దివ్యహనుమంతుఁడు

⁠

చ. 3:⁠

వుద్దవిడి లంకచొచ్చి వుంగరము సీతకిచ్చి అద్దివో రాము మెప్పించే హనుమంతుఁడు అడ్డుక శ్రీవేంకటేశు కటుబంటై వరమిచ్చి కొద్ది మీర సంతోసాలే గుప్పీ హనుమంతుఁడు

⁠