పుట:తాళ్ళపాక పదసాహిత్యం - నాలుగవ భాగం.pdf/241

రేకు: 0341-03 కౌశి సం: 04-240 విష్ణు కీర్తనం

పల్లవి :⁠

నీవంటిదైవాలు వేరీ నిఖిలలోకములందు యీవల నావల నెందు నెంచి చూడ మాకును

⁠

చ. 1:⁠

తగిలి నీమోముచక్కఁదన మెంచి చూచితిమా తగిన మరునిఁగన్న తండ్రివి నీవు అగపడ్డనీగుణము లవి యెంచిచూచితిమా నిగిడి కల్యాణగుణనిధివనీ శ్రుతులు

⁠

చ. 2:⁠

గుట్టు నీపెద్దతనము కులమెంచిచూచితిమా అట్టె బ్రహ్మకులము నీయందుఁ బుట్టెను దట్టపు నీపనులవర్తన మెంచి చూచితిమా ముట్టి సర్వరక్షకత్వమున వెలసితివి

⁠

చ. 3:⁠

బెడిదమైననీబిరు దెంచిచూచితిమా వడి శరణాగతవత్సలుఁడవు కడఁగి శ్రీవేంకటేశ కంటిమి నీమహిమలు బడి నిన్నే సేవించి బ్రదికితి మిదివో

⁠