రేకు: 0341-02 లలిత సం: 04-239 విష్ణు కీర్తనం
| పల్లవి : |
తొల్లి యేరుపరచిరి దొడ్డవాఁడు హరియని
యెల్లసందేహాలు బాసె నిఁకనేల చింత
|
|
| చ. 1: |
నారదుఁడు సోదించి నారాయణు నెరిఁగె
సారెకు శివుఁ డెరిఁగి చాటె రాముని
చేరి సోదించెఁ బార్వతి శ్రీరామచంద్రుని
యేరీతుల సోదించేము యింతకంటె నేము
|
|
| చ. 1: |
వేదవ్యాసులు దెలిసే వెదకి విష్ణునిఁ జెప్పె
సాధించితని యోగిసనకాదులు
యీదెస శుకాదులెల్ల నెరిఁగిరి మాధవుని
కాదని వీరికంటె గతి గానఁగలమా
|
|
| చ. 1: |
పెక్కుగాలము చదివి పెక్కేండ్లుబదికి
పెక్కు రుషులిందుననె పెద్దలైరి
దక్కఁగ శ్రీవేంకటేశు ధనముగాఁ జూపి రిదె
తక్కక కొలిచితిమి దైవమని కంటిమి
|
|
