పుట:తాళ్ళపాక పదసాహిత్యం - నాలుగవ భాగం.pdf/181

రేకు: 0331-03 ఆహిరి సం: 04-180 కృష్ణ

పల్లవి :⁠

కొలిచితే రక్షించే గోవిందుఁడితఁడు యిలకు లక్ష్మికి మగఁడీ గోవిందుఁడితఁడు

⁠

చ. 1:⁠

గోవర్ధనమెత్తినట్టి గోవిందుఁడితఁడు వేవేలుగొల్లెతల గోవిందుఁడితఁడు కోవిదుఁడై ఆలఁగాచే గోవిందుఁడితఁడు ఆవలఁగంసుఁజంపిన ఆగోవిందుఁడితఁడు

⁠

చ. 2:⁠

క్రూరకాళింగమర్దన గోవిందుఁడితఁడు వీరచక్రాయుధపు గోవిందుఁ డితఁడు కోరి సముద్రాలు దాఁటే గోవిందుఁడితఁడు ఆరీతి బాలురఁ దెచ్చేయా గోవిందుఁడితఁడు

⁠

చ. 3:⁠

కుందనపుకాశతోడి గోవిందుఁడితఁడు విందుల రేపల్లె గోవిందుఁడితఁడు పొంది శ్రీవేంకటాద్రిపై పొసఁగఁ దిరుపతిలో అందమై పవ్వళించిన ఆ గోవిందుఁడితఁడు

⁠