పుట:తాళ్ళపాక పదసాహిత్యం - నాలుగవ భాగం.pdf/178

రేకు: 0330-06 హిందోళ వసంతం సం: 04-177 వేంకటగానం

పల్లవి :⁠

ఎన్నిమహిమలవాఁడె యీదేవుఁడు కన్నులపండువులెల్లాఁ గదిసినట్టుండెను

⁠

చ. 1:⁠

పోలింప కర్పూరకాపు పురుషోత్తమునికి యేలీల నుండెనని యెంచి చూచితే పాలజలనిధిలోనఁ బవళింపగా మేన మేలిమిమీఁగఁంటిన మెలుపుతో నుండెను

⁠

చ. 2:⁠

తట్టుపునుఁగు కాపు దైవశిఖామణికి యెట్టుండెనని మరి నెంచి చూచితే చిట్టకాన రేపల్లెలో చీఁకటితప్పు సేయఁగా అట్టె రాత్రులు మేననంటి నట్టుండెను

⁠

చ. 3:⁠

అలమేలుమంగతోడ నట్టె సొమ్ము ధరించఁగ యెలమి శ్రీవేంకటేశునెంచి చూచితే కలిమిగలయీకాంతకాఁగిటఁ బెనఁగఁగాను నిలువెల్లా సిరులై నిండినట్టుండెను

⁠