పుట:తాళ్ళపాక పదసాహిత్యం - నాలుగవ భాగం.pdf/159

రేకు: 0327-05 నాట సం: 04-158 హనుమ

పల్లవి :⁠

ఎక్కుడు బ్రహ్మపట్టాన కిదె కాచుకున్నావాఁడు పిక్కటిల్లి సంతోసానఁ బెద్దహనుమంతుఁడు

⁠

చ. 1:⁠

తూరుపుఁ బడుమరాను దొడ్డగా జంగ చాఁచి సారెకుఁ నర్కునివద్దఁ జదివీ వాఁడే ధీరతతోఁ దనమేను దిక్కులెల్లాఁ బిక్కటిల్ల బీరముచూపీ వాఁడె పెద్దహనుమంతుఁడు

⁠

చ. 2:⁠

మిన్ను నేల నేకముగా మించినవాల మెత్తి సన్నుతిగా వలకేల చాఁచినవాఁడు పన్నుగడై రాఘవునిబంట్లలోపలనెల్లా పెన్నిధియై యున్నవాఁడు పెద్దహనుమంతుఁడు

⁠

చ. 3:⁠

మరిగి రేయుఁబగలు మతంగపర్వతమాడ బిరుదులతోడను బెరసీ వాఁడే యిరవై శ్రీవేంకటేశుహితుఁడై యెప్పుడుఁ బెచ్చు- పెరుగుచు నున్నవాఁడు పెద్దహనుమంతుఁడు

⁠