పుట:తాళ్ళపాక పదసాహిత్యం - నాలుగవ భాగం.pdf/133

రేకు:0323-03 సాళంగనాట సం: 04-132 వైష్ణవ భక్తి

పల్లవి :⁠

ఉమ్మడికర్మములాల వుండఁ జోటు మీకు లేదు యిమ్ముల నెందైనాఁ బోరో యివి లేనిచోటికి

⁠

చ. 1:⁠

పెట్టినది నుదుటను పెరుమాళ్ళ లాంఛనము దట్టమై భుజములందు దైవశిఖామణిముద్ర నెట్టన నాలుకమీఁద నీలవర్ణునామమిదె అట్టే హరిదాసులకంటునా పాపములు

⁠

చ. 2:⁠

మనసునఁ దలచేది మాధవుని పాదములు దినముఁ గడుపునించేది హరిప్రసాదము తనువుపైఁ దులసిపద్మాక్షమాలికలు చెనకి హరిదాసులఁ జేరునా బంధములు

⁠

చ. 3:⁠

సంతతముఁ జేసేది సదాచార్యసేవ అంతరంగమున శరణాగతులసంగమిదే యింతటాను శ్రీవేంకటేశుఁడు మమ్మేలినాఁడు అంతటా హరిదాసుల నందునా అజ్ఞానము

⁠