పుట:తాళ్ళపాక పదసాహిత్యం - నాలుగవ భాగం.pdf/113

రేకు:0320-01 శుద్ధవసంతం సం: 04-112 శరణాగతి

పల్లవి :⁠

హరి నీవే సకలలోకారాధ్యుడఁవు గాక ధర నీకు శరణంటీ తలఁపిదే చాలును

⁠

చ. 1:⁠

కింది నేఁజేసినయట్టికీడు నీవు వాపఁగాను అందుమీఁదు నడిగేదా అది చాలక పొంది పుట్టించేట్టి బ్రహ్మపుత్రుఁడు నీకైవుండఁగ ఇందరిఁ గొలిచేదా యెంత కూళతనము

⁠

చ. 2:⁠

దీకొని నాలో నీవు దిక్కై వుండగాను నాకొక స్వతంత్రమా నాఁడు చాలక కైకొని లోకములు నీకడుపులో నుండఁగాను నీ కంటేఁ బరులున్నారా నేరమింతే కాక

⁠

చ. 3:⁠

ఇహపరముసిరులు ఇన్నియు నీవియ్యఁగాను సహజాన నుండవొద్దా చాలదా యింత విహితమైన శ్రీవేంకటేశ వోక్కండవే బహళమై వుండఁగాను బంటనంటగాక

⁠