రేకు:0319-06 సామంతం సం: 04-111 గురు వందన, నృసింహ
| పల్లవి : |
ఈతఁడే ద్రిష్టవరము లియ్యఁగాఁ గాఁక
ఆతలీతలీ సుద్దులవి నమ్మఁగలమా
|
|
| చ. 1: |
హరి రూపెరుఁగుదుమా అరసి ఇంతకతొల్లి
సొరది శ్రీవేంకటేశుఁ జూచి కాక
గురుమంత్రము నేర్తుమా గోవిందుఁడితని నామ
మురుటై లోకాలనెల్ల నుండఁగా గాక
|
|
| చ. 2: |
వైకుంఠ మెరుఁగుదుమా వర్ణించి ఇంతకతొల్లి
దీకొని శ్రీవేంకటాద్రిఁ దిరిగి కాక
యేకడ దేవతల నేమెందునైనాఁ గంటిమా
చేకొని హరిదాసులఁ జేరి మొక్కే కాక
|
|
| చ. 3: |
పుట్టు నేఁ గంటినా పొంచి శ్రీవేంకటపతి
వొట్టి నాయంతరాత్మె యుండఁగాఁగాక
కొట్టఁగొనపర మేడ కొంచెపు దేహి నేనేడ
అట్టె యాతనికి శరణని కొలిచి కాక
|
|
