ఈ పుట అచ్చుదిద్దబడ్డది
రేకు: 0252-2 కాంబోది సం: 09-008
పల్లవి:
చెప్పినట్టె పతిపంపు సేతువు గాక
చిప్పిలుఁ జెమటలతో సిగ్గు లేఁటికే
చ. 1:
చెక్కు చేతఁ బెట్టుకోగా సెలవుల నవ్వు నీకుఁ
జిక్కె నేఁడు మరి వేరె చింత యేఁటికే
దక్కె నీకు వలపులు దండ నున్నాఁడు విభుఁడు
మొక్కలపు వెరగుతో మోన మేఁటికే
చ. 2:
నిట్టూర్పు నించఁగాను నిక్కుఁగుచములమీఁద
యిట్టి పులకలు నిందె నేఁకటేఁటికే
జట్టిగొనె వేడుకలు చనవు లాతఁడె యిచ్చె
వట్టి అలుకతోఁ దలవంచ నేఁటికే
చ. 3:
పానుపుపై నుండఁగానె బలిమి శ్రీవెంకటేశుఁ
డానుక నిన్నుఁ గలసె నార డేఁటికే
నీనోము లీడేరె నీమొగఁడు నిన్ను మెచ్చె
కోనల బొమ్మజంకెన కొస రేఁటికే