ఈ పుట అచ్చుదిద్దబడ్డది
రేకు: 0017-2 భైరవి సం: 05-097
పల్లవి:
ఉగ్గు వెట్టరే వోయమ్మా చె-
య్యొగ్గీనిదె శిశువోయమ్మా
చ. 1:
కడుపులోని లోకమ్ములు గదలీ-
నొడలూఁచకురే వోయమ్మా
తొడికెడి సరుగనఁ దొలఁగఁ దీయరే
వుడికెడి పాలివి వోయమ్మా
చ. 2:
చప్పలు వట్టుక సన్నపుబాలుని-
నుప్పరమె త్తకురో యమ్మా
అప్పుడె సకలము నదిమీ నోరనె
వొప్పదు తియ్యరె వోయమ్మా
చ. 3:
తొయ్యలులిటు చేతుల నలఁగించక
వుయ్యల నిడరే వోయమ్మా
కొయ్య మూటలను కొండల తిమ్మని-
నొయ్యన తిట్టకురోరమ్మా