ఈ పుట అచ్చుదిద్దబడ్డది
రేకు: 0016-6 ముఖారి సం: 05-095
పల్లవి:
దొరకెఁగా పూజ కందువపూజ నీ-
విరహపు తనుతావి విరవాదిపూజ
చ. 1:
కలికి నీ కనుచూపు కలువరేకులపూజ
లలన నీ నగవు మొల్లల పూజ
తలపోఁత చింత చిత్తపుఁ గమలపు పూజ
చలివేఁడి వూర్పు నీ సంపంగి పూజ
చ. 2:
కవలుఁ జెక్కునఁ జేయి కరపల్లవపు పూజ
తనుపులకలు జాజిననలపూజ
తనరు నీవలులు దొంతరపూవుల పూజ
మొనయుఁ జెమట మల్లె మొగ్గలపూజ
చ. 3:
చెనకు నీ గోళ్ళే చిఱుగేదఁగుల పూజ
గునియు గుబ్బలు పూవుగుత్తుల పూజ
ఘనతమైఁ గూడి వేంకటపతి మోము సోఁ-
కిన నీదుమోవి మంకెనపూవు పూజ
