ఈ పుట అచ్చుదిద్దబడ్డది
రేకు: 0012-6 దేసాళం సం: 05-073
పల్లవి:
కులుకక నడవరో కొమ్మలాలా
జలజలన రాలీని జాజులు మా యమ్మకు
చ. 1:
ఒయ్యనే మేను గదిలీ నొప్పుగా నడవరో
గయ్యాళి శ్రీపాదతాఁకు కాంతలాలా
పయ్యెద చెఱగు జారీ భారపు గుబ్బలమీఁద
అయ్యో చెమరించె మా యమ్మకు నెన్నుదురు
చ. 2:
చల్లెడి గందవొడి మైజారీ నిలువరో
పల్లకి వట్టిన ముద్దు బణఁతులాల
మొల్లమైన కుందనపు ముత్యాల కుచ్చులదర
గల్లనుచుఁ గంకణాలు గదలీ మాయమ్మకు
చ. 3:
జమళి ముత్యాలతోడి చమ్మాళిగ లిడరో
రమఱికి మణుల నారతులెత్తురో
అమరించి కౌగిట నలమేలుమంగనిదె
సమకూడె వేంకటేశ్వరుఁడు మాయమ్మకు