ఈ పుట అచ్చుదిద్దబడ్డది
రేకు: 0012-4 బౌళి సం: 05-071
పల్లవి:
మోహము సేయించుకొని మురిసేవు నీ-
సాహసములె దురా చదురాలికిపుడు
చ. 1:
ఒక్క చక్రమె నీకునున్నది గాని, యింతిఁ
రెక్కల చక్రాలె పో రెండు గుబ్బలు
మక్కువ సేయించుకొని మలసేవు నీ-
చక్కఁదనమెదురా జవరాలికిపుడు
చ. 2:
నీలమేఘము చాయ నీమేను గాని పెద్ద-
నీలమేఘమే పో నెలఁత కొప్పు
జాలిఁ బొరలించేవు సతిని నీవు నీ-
తాలిములెదురా తరుణికి విపుడు
చ. 3:
మరుని ప్రతినిధి నీ మహిమ గాని ఆ-
మరుని సంపదే పో మగువ నేఁడు
తిరువేంకటేశ పొందితివి గాని నీ-
సరసము లెదురా సకియకు నిపుడు
