ఈ పుట అచ్చుదిద్దబడ్డది
రేకు: 0002-1 శ్రీరాగం సం: 05-006
పల్లవి:
తగిలిన మునులే యాతనిఁ గందురంటా
మగువ యెవ్వరితోడ మాటాడదిపుడు
చ. 1:
అతులనిరాహారులతనికిఁ బ్రియులంటా
అతివ నిన్నటినుండి యారగించదు
తతి నడవులనుండే తపసులే యతనికి
హితులంటా వనములో నెడయదీతరుణి
చ. 2:
తలకొన్న యతనిపై తలఁపే పరమంటా
చెలియ చెక్కిటనున్న చెయి దియ్యదు
వలనైన యతఁడు దేవతల కొడయఁడంటా
కలికి రేయిఁబగలు కనుముయ్యదిపుడు
చ. 3:
అడరి జలములోన నతఁడుండునంటా
వడియుఁ జెమట దుడువదు మేనను
కడు మంచియతఁడు వేంకటగిరిభుఁడంటా
పడఁతి యాతనినె గుబ్బలనొత్తీ నిపుడు
