ఈ పుట అచ్చుదిద్దబడ్డది
రేకు: 0010-1 సామంతం సం: 05-056
పల్లవి:
ఒద్దేలు మొక్కేవో వుద్ధవుఁడా తన
ఉద్దండాలె చెల్లెనుద్ధవుఁడా
చ. 1:
ఊరూర వలపులుద్ధవుఁడా నే-
మోరుతుమా యిఁక నుద్ధవుఁడా
ఊరడించ వచ్చేవు వుద్ధవుఁడా తన-
వూరట చెలుములుద్ధవుఁడా
చ. 2:
ఒప్పలర మావురిసిన పుం-
డ్లుప్పులు వెట్టించె నుద్ధవుఁడా
చెప్పకు మమ్మిఁక చెలువుఁడాతఁడే
వొప్పివుంటేఁ జాలు నుద్ధవుఁడా
చ. 3:
గోపకల మమ్ము గూరిమిఁజిక్కించె-
నోపమింతేసి నేముద్ధవుడా
పైపైనే మమ్మింత ప్రాణము నిలుప-
నోపెఁగా తానైన నుద్ధవుఁడా
చ. 4:
తెగి తన్నుఁ గూడే తెరఁగు దలఁచి
యుగములై నవి ఉద్ధవుఁడా
పగటున మా మా ప్రాణము మాకిఁక
నొగరే తీపాయే నుద్ధవుఁడా
చ. 5:
చెల్లించె మా ప్రేమ శ్రీవేంకటేశుఁడు
వుల్లమలర నేఁడుద్ధవుఁడా
చల్లని కూటపు జనవిచ్చి మామా-
వొళ్లెల్లఁ జెనకె నుద్ధవుఁడా
