ఈ పుట అచ్చుదిద్దబడ్డది
రేకు: 0093-6 శంకరాభరణం సం: 05-373
పల్లవి:
మెఱ్ఱో నేననఁగానే మొక్కేవుగాని
వెఱ్ఱినేను వెఱ్ఱినేను వెఱ్ఱినేను సుమ్మీ
చ. 1:
సడ్డలాడఁగానే కడు జారినపయ్యద చూచి
యెడ్డ నన్ను జాణఁజేసేవేఁటికో కాని
వడ్డివారే వలపుల వన్నెవెట్టనేర నే
గొడ్డేరే గొడ్డేరే గొడ్డేరే సుమ్మీ
చ. 2:
ఒల్లననఁగానే నన్నునుద్దండపుఁ దుటారాల
చల్లలమ్మఁగానే పగ చాటేవు గాని
కల్లలాడనేర నీతో కపటాలు నేర నే
గొల్లదాన గొల్లదాన గొల్లదానఁ జుమ్మీ
చ. 3:
వేంకటేశుఁడ నేనంటా వేసాలఁ బొయ్యేనంటా
అంకులచేతులుచూచి యంటితి గాని
కంకిగా గుబ్బలమీఁద గాజునఁ దీసేవు నే
వుంకువొల్ల నుంకునొల్ల నుంకునొల్లఁ జుమ్మీ
