ఈ పుట అచ్చుదిద్దబడ్డది
రేకు: 0093-4 కేదారగౌళ సం: 05-371
పల్లవి:
తనివిదీరమికిఁ గుంటెనలె యాస
అనుమతులకుఁ దాఁకనాడుటే యాస
చ. 1:
సరినెలయింపులకు సళువుఁ జూపులె యాస
గిరుపుఁగన్నులకు జంకెనలె యాస
సరసంబునకు నలసపుఁ గసరులే యాస
మరు పెరరేఁపులకు మంతనమె యాస
చ. 2:
కడుఁ గోరికలకుఁ లోఁగాఁతాళములె యాస
చిడిముడికాఁకలకుఁ జింతలే యాస
బడలికకౌఁగిటికి బట్టబయలే యాస
పడరానియెడఁ గడపటిచేఁతె యాస
చ. 3:
రతిసమయమునకు రాకొట్టులే యాస
అతివమోహమునకుఁ గయ్యములె యాస
యితమైన తిరువేంకటేశు కౌఁగిటఁ గూడి
మతిలోనికెపుడుఁ దమకములె యాస
