ఈ పుట అచ్చుదిద్దబడ్డది
రేకు: 0092-5 కాంబోది సం: 05-366
పల్లవి:
ఎవ్వతిర ప్రియము నీకింత నేసినది చూచి
దవ్వుల నిన్నొకమాఁట తగులనాడినది
చ. 1:
సిబ్బెంపు గుబ్బలమీఁది జిలుగుఁ బయ్యదది
గబ్బిచూపు నిన్నుఁ జూచి కన్నుల నవ్వినది
బబ్బిలికాయలతోడి పసిఁడిమెట్టెలది
జొబ్బిలిన చెమటలచేఁ జొక్కి నిలిచినది
చ. 2:
తొంగలిరెప్పలతోడి తోరపుఁ గన్నులది
చెంగటిచెలియచేతఁ జెయివేసి నవ్వినది
చెంగలువబంతిచేతఁ జెక్కునొక్కినది
వుంగరాలవేళ్ళ నీ కొయ్యనె మొక్కినది
చ. 3:
వీడక వీడని కొప్పువిరులు జారినది
వాడక వాడని మోవివన్నెలు దోఁచినది
యీడులేని తిరువేంకటేశ నినుఁబొంది యీ-
కోడెవయసున నింతి కోరికెలందినది
