ఈ పుట అచ్చుదిద్దబడ్డది
రేకు: 0091-6 భూపాళం సం: 05-361
పల్లవి:
సువ్వి సువ్వి సువ్వలమ్మ
నవ్వుచు దేవకి నందనుఁ గనియె
చ. 1:
శశి వొడచె అలసంబులు గడచె
దిశల దేవతల దిగుళ్ళు విడిచె
చ. 2:
కావిరా విరిసె కంసుఁడు గినిసె
వావిరిఁ బువ్వులవానలు గురిసె
చ. 3:
గతిసేసె ఆటు గాడిద గూనె
కుతిలకుడిచి జనకుఁడు నోరుమూసె
చ. 4:
గగురు పొడిచె లోకము విధి విడివె
మొగులు గురియఁగ యమున పై నడచె
చ. 5:
కలి జారె వేంకటపతి మీరె
అలమేల్మంగనాచారలుకలు దీరె
