ఈ పుట అచ్చుదిద్దబడ్డది
రేకు: 0085-6 భూపాళం సం: 05-325
పల్లవి:
రాయడికాఁడు గదమ్మ రంతు నేసీని
పాయపుసతులనే గోపాల గోవిందుఁడు
చ. 1:
వట్టిమాయలఁ బెట్టవలదన్న మానఁడు
బెట్టుగ రేపల్లె గోపికలనెల్ల
యెట్టు వేగింతురమ్మ యెల్లవారలును
రట్టడీయైనట్టి రాచగోవిందుఁడు
చ. 2:
లేని పగలు చాటి లేమలనిందరిని
కాని కానిమ్మనుచుఁ గరఁగించీని
మాని మాని కమ్మర మగుడ మమ్మేఁచీని
రానిలే చూచుఁగాని రాచగోవిందుఁడు
చ. 3:
పొద్దు వొద్దునకెంతే బూమెలు సేయుచును
వొద్దికై నాతోడ నొనగూడీని
అద్దో యింకా మానఁడాసలఁ బెట్టెడిని
గద్దరి శ్రీ తిరువేంకటపు గోవిందుఁడు