ఈ పుట అచ్చుదిద్దబడ్డది
రేకు: 0085-4 వరాళి సం: 05-323
పల్లవి:
చూపులనే సొలసేవు చూడరాదా మమ్ముఁ
గాపురము సేయనీక కారించేవా
చ. 1:
వదినెంటాఁ బిలిచేవు వద్దు సుమ్మీ యెవ్వరోయి
వదినెలు నీకు వాడవారి మరఁది
యెదురైతే మొక్కేవు యేఁటికోయి యింతేసి
వుదుటులు మాని చక్కనుండనేరవా
చ. 3:
అత్తనంటాఁ బిలిచేవు అక్కడ నిక్కడ నీకు
అత్తలెవ్వరోయి వూరఁ బొత్తులల్లుఁడా
వత్తునంటాఁ జెప్పంపేవు వడదాఁకి కూకులును
వత్తులునై పోదుఁగాని వచ్చి చూడరాదా
చ. 3:
చీర వెలిగా నవ్వేవు చెల్లఁబో యెక్కడనైన
మారుజాతి వారికైన మానములేదా
తీరు నీకు నింతేసి తిరువేంకటేశుఁడ
కూరిమి యెరిఁగి నన్నుఁ గూడితివౌరా