ఈ పుట అచ్చుదిద్దబడ్డది
రేకు: 0084-1 సామంతం సం: 05-314
పల్లవి:
ఎచ్చరించెదననిన యీజగంబనఁగాను
సచ్చరిత్రుఁడ నీకు సరకా వోరి
చ. 1:
రుచుల నారాయణ పరో జ్యోతి యని
పచరించి నిను శ్రుతులు పలుకఁగాను
వచియింపరాని యిటువంటి నీ యెదుట నా-
కుచకుంభములకాంతి కొలుపునా వోరి
చ. 2:
రమణ నారాయణ పరబహ్మమని
ప్రమదమున నిను శ్రుతులు పలుకఁగాను
తమకమున నను నీవు తగిలితివి యీసుఖము
నిమిషమాసుఖము గానేర్చువా వోరి
చ. 3:
అరయ నారాయణ పరాత్పరంబని నిన్ను
సరసవిద్యలు శ్రుతులు చాటఁగాను
సిరుల ననుఁగూడితివి శ్రీ వేంకటేశ నీఁ
కరుణకిటు నేనోర్వఁగలనా వోరి
