ఈ పుట అచ్చుదిద్దబడ్డది
రేకు: 0080-6 దేశాక్షి సం: 05-294
పల్లవి:
ఏడనున్నదో యీతరుణి
చూడక చూచిన చూపులలోన
చ. 1:
మేఁతలు మరిగిన మీల పిల్లలకు
నీఁతలు నేరిపి యీతరుణి
కాఁతాళించిన కన్నుల నీళ్ళ
చేఁతల నిండిన చెరువులలోన
చ. 2:
ముత్తెపునవ్వుల మురిపెపుఁ బువ్వుల
యెత్తులె కట్టి యీతరుణి
లత్తిక మోవికి లంచముగా పై
మెత్తిన దంతపు మెరుఁగులలోన
చ. 3:
పసని చీఁకట్ల పలుమరుఁ దవ్వి
యిసుక పాఁతరలె యీతరుణి
కసిగాట్ల వేంకటపతి కౌఁగిట
రసములొలుక నేరములెన్నుచును
