ఈ పుట అచ్చుదిద్దబడ్డది
రేకు: 0074-5 భూపాళం సం 05-257
పల్లవి:
కలిమి నిందరిని దగ్గరుకొరకే- వీఁడె
సులభుఁడై తిరిగీని చూడరమ్మా
చ. 1:
భంగపెట్టి గొల్లవారి పాలువెన్నలు
దొంగిలించు కొరకే తోవలనెల్లా
చెంగలించి చేతులెత్తి చెలఁగుచును- వీఁడె
దొంగి దొంగి తిరిగీని తోలరమ్మా
చ. 2:
గుట్టుదీర రేపల్లెకొమ్మలనెల్లా
రట్టుసేయుకొరకే రచ్చలనెల్ల
గట్టిగాఁ జాటెడి మొలగంటలతోడ- వీఁడె
చుట్టపుబాలునివలెఁ జూడరమ్మా
చ. 3:
చెప్పరాని తనమాయచేత నిందరినిఁ
గప్పెడికొరకే వేంకటవిభుఁడు
కప్పెడి నల్లనియలకలనుదురు-వీఁడె
గుప్పెడి ముద్దులు యెత్తుకొనరమ్మా