ఈ పుట అచ్చుదిద్దబడ్డది
రేకు: 0071-6 ముఖారి సం: 05-240
పల్లవి:
ఎంత నేరఁడీదైవమిందరికి
బ్రాంతి గడుఁ బుట్టించి పరము మరపించె
చ. 1:
ప్రాయమనియెడి మహాబహురూపమిది యొకటి
కాయములఁ గరఁగించీఁ గళలనెక్కించి
సోయగంబగు కన్నుచూపులనియెడు మహ-
మాయములఁ బొరలించి మనసు నాటించె
చ. 2:
చక్కఁదనమనెడి వేషంబొకటి మేనిపై
నిక్కించి యది గోర్కి నెలవుగాఁ జేసి
తక్కువలు నెక్కువలు తమకములు నొల్లములు
మక్కువలు గలిగించి మల్లువెనఁగించె
చ. 3:
ఇట్టి మోహము వేంకటేశ్వరుఁడు దనమీఁదఁ
బెట్టించుకొనె నయినఁ బ్రేమగల ఫలము
నెట్టుకొని తానతని నిజమెఱిఁగి మేలు చే-
పట్టెనైనను జన్మపరుఁడైన ఫలము
