ఈ పుట అచ్చుదిద్దబడ్డది
రేకు: 0067-6 ముఖారి సం: 05-216
పల్లవి:
ఎండలు రేయెండలుగా నిరువంకఁజూచువాఁడు
కొండలుఁ గోట్లునయిన గుణములవాఁడు
చ. 1:
పాలవెల్లి కొండమీఁదఁ బల్లెగట్టినవాఁడు
పాలలోని పాపఁడన్న ప్రాణమైనవాఁడు
పాలఁ బుట్టినట్టికూడు పంచిపెట్టినవాఁడు
పాలునేయి ముచ్చిలించి బదికినవాఁడు
చ. 2:
అలపోతువానితోడ నంటినమేనివాఁడు
ఆలఁగాపరులతోడ నాడినవాఁడు
ఆలజాలమైన నీటనలరఁ దేలినవాఁడు
ఆలపోతు కొండమీఁద ననువైనవాఁడు
చ. 3:
పాఁపరేని మేను దన పానుపు వేసినవాఁడు
మోఁపరయి సకలము మోచినవాఁడు
కోపము శాంతములేని కొండలకోనేటివాఁడు
పాపముఁ బుణ్యము లేక బదికినవాఁడు