ఈ పుట అచ్చుదిద్దబడ్డది
రేకు: 0067-4 ముఖారి సం: 05-214
పల్లవి:
కొలవిలోన మును గోపికలు
మొలక నవ్వులతో మ్రొక్కిరి నీకు
చ. 1:
పిరుఁదులు దాఁటిన పించెపుటలకల
తురుములు వీడఁగఁ దొయ్యలులు
అరిదినితంబములందునె దాఁచుక
మురిపెపుఁ గరముల మొక్కిరి నీకు
చ. 2:
నిద్దపు మానము నెలఁతలు లోఁగుచు
గద్దరి తొడలనె కట్టచును
ముద్దుటుంగరంబుల కరములతో
ముద్దులు గునియుచు మొక్కిరి నీకు
చ. 3:
పాలిండ్ల పెనుభారంబుల కర-
మూలపు మెఱుఁగులు ముంచఁగను
వేలపుఁ బ్రియముల వేంకటేశ నిను
మూలకుఁ బిలుచుచు మొక్కిరి నీకు
