ఈ పుట అచ్చుదిద్దబడ్డది
రేకు: 0066-3 ముఖారి సం: 05-207
పల్లవి:
ఇందరినేలితి విఁకనేలే నీ-
యందపు బనులకు నంపుదు గాక
చ. 1:
పొక్కుచు నిదె వలపుల సింహసన-
మెక్కితి వంగన యిఁకనేమే
పుక్కిటి నిట్టూర్పుల ప్రసాదములు
చక్కని చెలులకుఁ జల్లుదు గాక
చ. 2:
పరిమళపు నుదుటఁ బట్టునఁ బట్టము
ఇరువుగఁ గట్టితివిఁకనేమే
తరగని మేని ప్రతాపానలమున
అరుదగు సిగ్గుల నణఁతువు గాక
చ. 3:
రాఁపుల మోహపురతుల రాజ్యమిది
యేపునఁ జేసితివిఁకనేమే
పైపై వేంకటపతిరూప సిరులు
చేపడె నిన్నిటఁ జెలఁగుదు గాక