ఈ పుట అచ్చుదిద్దబడ్డది
రేకు: 0065-6 బౌళి సం: 05-204
పల్లవి:
కావరాదా కరుణించి
వావిగాని వావి వాడీఁ దరుణి
చ. 1:
పచ్చిదేరునగ్గి బగబగ మండేటిఁ
చిచ్చరకోలల చేఁతల
వెచ్చియు వేవని వేదనఁబొరలుచు
అచ్చపుటాసల నలసీఁ దరుణి
చ. 2:
నీడలేని మాఁకు నిక్కపుటెండల
తాడులేని కట్టుఁదగులున
గోడలేని పెద్దకోరిక చిత్తారు
వాడుచు లోలోనె వ్రాసీఁ దరుణి
చ. 3:
పొందు లేని పొందు భోగపుఁ బ్రియముల
కందెడి తనలోని కరఁగుల
కందువెఱిఁగి వేంకటగిరిపతి నినుఁ
బొందిన తమకానఁ బొరలీఁ దరుణి