ఈ పుట అచ్చుదిద్దబడ్డది
రేకు: 0028-1 ముఖారి సం: 05-156
పల్లవి:
చిన్ననాఁడు మద్దులు వంచినవాఁడు తా-
నున్నవాఁడే యిపుడు నాయెడయఁడై నేఁడు
చ. 1:
గోవులఁ గాచినవాఁడు గొల్లెతల మేనిగబ్బుఁ -
దావుల పెనుభ్రమలఁ దగులువాఁడు
కోవిదుఁడెట్లనాయఁ గోమలులఁ బదియారు-
వేవురను వలపించే వెరవరెట్టాయెనే
చ. 2:
వెన్నలారగించువాఁడు విడువక వెకలియై
కన్నచోనే తిరిగేటి గద్దరీఁడు
వన్నెకాఁడెట్లానాయ వడి గోపవనితల -
నెన్నరాని చేఁతలెల్ల నెట్టు సేసినాఁడే
చ. 3:
కొండలెక్కి దాఁటువాఁడు కొండ మోచునట్టివాఁడు
కొండలే నెలవుగాఁ గైకొన్నవాఁడు
కొండుక పాయపువాఁడు గుబురైన తిరుమల-
కొండమీఁద నెలకొన్న కోనేటివాఁడు
