ఈ పుట అచ్చుదిద్దబడ్డది
రేకు: 0027-2 వరాళి-ఏకతాళి సం: 05-151
పల్లవి:
తక్కులచేఁతల మాయదారివట బొంకు-
నిక్కములు నేయనేమి నేరవా యీనీవు
చ. 1:
గుట్టున నూఁదిన పిల్లఁగోవి నీ రవమున
వట్టిమాఁకుల నిగురు వెట్టీనట
పట్టినఁ గందెడి నామై పై పులకలిగురు -
వెట్టఁగా నన్నింత సేయ బెట్ట యీ నీకు
చ. 2:
పాదముచెమటనీరు పరపి దురితముల
సేదదేర నిందరిని జేసీనట
మేదినీధరుఁడ నీ మేని చెమటలతావి-
నాదరించి ననుఁగాచుటరుదా యీ నీకు
చ. 3:
అల నీమదిఁబుట్టిన అంగజుడు లోకులను
చెలరేఁగి కాఁపురాలు సేయించీనట
కలసి వేంకటేశ్వర కందువరతుల నన్ను
కలకాలమునేలుట ఘనమా యీ నీకు